“Özümlə Görüşürəm”
İstifadə Təlimatı:

“Özümlə Görüşürəm” özünüzlə yəni müxtəlif tərəflərinizlə görüşdür, tərəflər arası konflikti (daxili huzursuzluğu) təbii şəkildə dönüşdürə bilməyinizə kömək olaraq xüsusi hazırlanıb ✅

Bu səbəbdən də:
“Özümlə Görüş” yönləndirməsini etməmişdən öncə bu görüşü qarışıq hiss etdiyiniz mövzuda hansı tərəfinizlə görüşdüyünüzü əvvəldən bilərək etməyə başlayın, məhz “həmin-nəzərdə tutduğunuz- tərəfinizlə” görüşün.

Yəni “Sadəcə oturdum, yönləndirmə etdim, hansı tərəfimlə görüşəcəyimi bilmirəm” yox,
“hansı tərəfimi eşitmək istədiyimi bilirəm, məhz bu tərəfimlə görüşürəm ki, onu tanıyım, qarışıq hiss etdiyim məsələni onun perspektivindən görüm”.

Məsələn: Xaricə getmək istəyirəm amma alınmır. Vəziyyəti anlamaq üçün “xaricə getmək istəməyən tərəfinizlə”görüşün.

Və ya “filan məsələdə çox qorxuram, özümü çox narahat hiss edirəm”.
Sırf qorxan tərəfinizi dinləyin.

Biz adətən özümüzü, səsimizi, həqiqətən nə düşündüyümüzü və həmçinin hisslərimizi o qədər basdırırıq ki, nəticə olaraq çox qarışıq vəziyyətə düşüb, çox çaşqın hiss edə bilirik. Məhz bu səbəbdən
“Özümlə Görüşürəm” yönləndirməsində

⭐️ səni “sağaldan” həmin o basdırdığın tərəfini anlamaqdır. Bunu etdiyin zaman həmin hissənlə “birləşirsən, bütünləşirsən”, yəni indiki səndə həmin sənə yer açırsan.

“Özümlə Görüşürəm” xüsusi terapiyadır, vaxt ayırmağınız və həmin zaman içində sizin başqaları tərəfindən narahat edilmədiyinizi bilmək önəmlidir çünki proses zamanı müxtəlif hissləriniz özünü göstərir, bu emosiyaları
tutub-saxlamayın, əskinə ağlamaq, içinizdən gəlirsə qışqırmaq və ya fərqli şəkillərdə ifadə edin, yaşayın. Bu sağaldıcıdır.

Bu səbəbdən də yönləndirmə 11 dəq olsa belə ən az təxminən 1 saat ayırın, ehtiyacınızdan asılı olaraq bu zaman kəsimi artıb-azala bilər.

Yönləndirməni gözü bağlı deyil, səsli və ya yazaraq da (gözü açıq) edə bilərsiniz, burda xüsusi qayda yoxdur.

-sənin öz tərzin sənin üçün doğru olan yoldur-

Bu səbəbdən normalda sizə rahat gələn, həmişə etməyi seçdiyiniz yol ilə davam edin, əgər əksər halda özünüzü yazaraq anlayırsınızsa yazın, əgər səsli şəkildə özünüzlə danışırsınızsa bunu edin.

Nəzərə alın:
Qarışıq hiss etdiyiniz vəziyyətdə adətən bir neçə tərəfin səsini eşidirsiniz. Qarışıq hiss etməyinizin səbəbi də budur.

Hər tərəf ilə ayrı-ayrılıqda görüşün.
Biz özümüzü adətən sadəcə 1 tərəfimizlə tanımlayırıq, halbuki özümüzü tanımladığımız tərəfimiz də sadəcə bir tərəfdir (mən bunu bumerang tərəf adlandırıram), bu səbəbdən özünüzü tanımladığınız tərəflə də görüşün. Bu həmçinin özünüzə baxmağınıza da imkan verəcək.

⭐️ Siz hər tərəflə görüşdükcə özünüzü anlayacaq, anladıqlarınızı həzm edəcəksiniz. Həzm etdikcə isə dəyişim təbii şəkildə gedəcək.
Yemək yediyinizdə yemək necə təbii şəkildə-sizin müdaxiləniz olmadan həzm olunursa “Özümlə Görüşürəm”də də yaşadıqlarınız təbii şəkildə dönüşür.

Özünüzlə oturmağınızın kifayət olduğu qədər bu prosesi həqiqətən yaşamağınız da vacibdir, yəni qıraqdan-qıraqdan özünüzlə görüşərək, əslində isə qaçaraq bu proses olmaz, bu özümüzü aldatmaq olar.

Bu səbəbdən özünüzlə görüşməyə hazır deyilsinizsə özünüzə zaman verin və hazır hiss etdiyinizdə də elə həmin o “hazır olmayan” tərəfinizlə görüşdən başlayın.

Həmişə xatirinizdə olsun:
öz üzərində işləmək uzun və zaman alan bir prosesdir,
“Özümlə Görüşürəm” yönləndirməsi də bu prosesdə “sehrli çubuq” yox, sənin işini asanlaşdıracaq vasitədir və ondan min dəfə belə istifadə etməyin çox normaldır.

🦋 ”Özümlə Görüşürəm” edirsən deyə məsələn “həll olmur”, həqiqətən dəfələrlə özünlə üzləşirsən və həzm edirsən deyə təbii şəkildə dönüşüm gedir.

Edə biləcəyinə inanıram, bir gün öz yolunu mənimlə də paylaşmağına ümid edirəm və həyəcanla gözləyirəm, bu yolu fiziki olaraq tək, mənəvi olaraq isə birlikdə gedəcəyik.

Yolunun bir parçası olmaq mənim üçün qürurdur, xəbərini gözləyəcəm.
Gözəl Həyatlar! 🦉

Qeyd: Yönləndirmənin hər hansı hissəsini və ya bütününü kütləvi şəkildə yaymaq və satmağa icazə verilmir.

Təəssürat və yaşadığınız fərqindəlikləri paylaşsanız maraqlı olar bizim üçün, sizə də çox köməyi olar daha yaxşı anlayıb həzm etməyiniz üçün. Xahiş olunur göndərilən məlumatları yaddaşda saxlayısınız, hər hansı səbəbdən olarsa itirilən təqdirdə ikinci dəfə göndərilmir. Gözəl günlər sizə ✨